2026 ЖЫЛДЫҢ І ЖАРТЫЖЫЛДЫҒЫ БОЙЫНША «ҚАРАЖАНБАСМҰНАЙ» АҚ-дағы ӨНДІРІСТІҢ НЕГІЗГІ КӨРСЕТКІШІ

Қаражанбаста жыл басынан бері 1 018 084 тонна мұнай өндірілді. Бұл былтырғы І жартыжылдықтағы көрсеткіштен шамамен 39 мың тоннаға төмен.

Ал іске қосылған жаңа ұңғыма саны 27-ге жетіп, жұмыс жоспарға сай орындалды. Десек те, аталмыш дерек 2025 жылдың алғашқы алты айындағыдан 57 ұңғымаға аз.

Мұнай мен битум экспорты – 952 мың тонна. Сатылған мұнай көлемі 847 мың тонна болса, ішкі нарыққа 105 мың тонна битум жеткізілді. Жалпы есеп алғашқы жартыжылдыққа қойылған жоспардағы көрсеткіштен 12 мың тоннаға артық орындалды.