ҚБМ ГЕОЛОГЫ ҚҰРМЕТКЕ БӨЛЕНДІ

Қазақстан мұнайының 125 жылдығына орай Астанада салтанатты жиын өтті. Шарада «ҚазМұнайГаз» ҰК АҚ Басқарма төрағасы Асхат Хасенов сала ардагерлері мен өмірін өндіріске арнаған қызметкерлерді, еңбек адамдарын кәсіби мерекемен құттықтады.

Жиында саланың дамуына сүбелі үлес қосқан мұнайшыларға төсбелгілер мен Құрмет грамоталары табысталды. Елорда төрінде «Қаражанбасмұнай» АҚ геология және кен орнын игеру департаментінің директоры Мәнепхан Сәдуақасов та құрметке бөленді. ҚМГ басшысы оған ҚР Энергетика министрлігінің «Мұнай-газ кешенін дамытуға қосқан үлесі үшін» медалін табыс етті.

Мәнепхан Сәдуақасов ҚБМ-дағы еңбек жолын 23 жыл бұрын бұрғышы көмекшісі болып бастады. Әр жылдары бұрғышы, ҰЖЖБ шебері, өндіріс инженері, геология және барлау бөлімінде инженер-геолог, ОИТҚ технологы, геология және игеру бөлімінің басшысы, Бас геолог болып еңбек етті.