Хабарландыру

Әлеуметтік желілерге шолу жүргізу кезінде «Қаражанбасмұнай» АҚ-ның (әрі қарай — ҚБМ) сатып алу процедурасына күмән білдірген қолданушының бейнежазбасы тарағаны анықталды. Осыған орай ҚБМ компанияға қажетті тауарларды, жұмыстарды және көрсетілетін қызметтерді сатып алу «Самұрық-Қазына» ұлттық әл-ауқат қоры» АҚ-ның (әрі қарай — Қор) Директорлар кеңесі бекіткен тәртіпке (әрі қарай — Тәртіп) сай жүргізілетінін хабарлайды.

Аталған тәртіптің 59-бабы 1-тармағы 9) тармақшасының алтыншы абзацында көрсетілгендей, тапсырыс беруші әлеуметтік жағдайдың тұрақтылығын сақтау және (немесе) қалпына келтіру жөніндегі шараларды қабылдау аясында, Қордың бірінші деңгейдегі еншілес ұйымының алқалы атқарушы органы бекіткен тізбе бойынша, тапсырыс беруші мекеменің басшысы немесе ол уәкілеттік берген өзге тұлғаның шешімі бойынша бір көзден сатып алуға құқылы.

Сондай-ақ 59-баптың 2-тармағына сәйкес, тауарлар, жұмыстар мен қызметтерді бір көзден сатып алу әдетте бәсекелестік тәсілдермен өткізу мүмкін болмаған кезде жүзеге асырылады. Алайда Тәртіптің 59-бабы 1-тармағының 9) тармақшасының алтыншы абзацында, сондай-ақ 17) және 21) тармақшаларында көзделген жағдайларда бұл шектеу қолданылмайды.

Осыған орай ҚБМ-дағы «Жұмысшыларды тамақпен қамтамасыз ету», «Кір жуу», «Ғимараттар/құрылымдар/жайлар мен олардың аумағын күтіп ұстау» қызметтерін орындаушы сатып алуды жүзеге асыру тәртібінің 59-бабы 1-тармағы 9) тармақшасының алтыншы абзацына сүйене отырып таңдалды.

Ал сатып алынатын қызметтер бюджеті еліміздегі қазіргі нарықтық жағдай мен объективті экономикалық факторларға байланысты ұлғайтылды. Яғни жалақы индексациясы, тауарлар құнының өсуі, салық жүктемесінің өзгеруі, ең төменгі жалақының, айлық есептік көрсеткіштің, ең төменгі күнкөріс деңгейінің өсуі сияқты өзге де факторлар ескерілді.

Бюджет ҚБМ-ның қаржы жағдайын ескеріп, әрбір бап пен оның құрамдас бөліктері жан-жақты талдаудан өткен соң, акционерлермен келісіле отырып бекітілді. Бюджеттің ұлғаюы экономика тұрғысынан дәлелденген және құжаттармен расталған. Көрсетілген позициялар бойынша бір көзден сатып алу процедурасы бекітілген Тәртіптің талаптарына толық сәйкес жүзеге асырылды.