ЖАС МАМАН КЕҢЕСІНЕ — ЖАҢА ТӨРАҒА

«Қаражанбасмұнай» АҚ «Жас маман кеңесі» төрағасы болып Нысанбаев Бейбіт Хайруллаұлы сайланды.

Ол 1995 жылы дүниеге келген. Х.Өзбекқалиев атындағы Маңғыстау политехникалық колледжінің түлегі. Қаражанбастағы еңбек жолын 2017 жылы құрылыс-жөндеу цехында бастады. Алдымен гидрооқшаулаушы, кейін ағаш ұстасы болып еңбек етті. Соңғы үш жыл көлемінде ғылыми зерттеу және өндірістік жұмыстар цехының 5-дәрежелі операторы лауазымында жұмыс істеп келеді.

Бейбіт негізгі қызметінен бөлек, бірнеше жыл қатарынан компаниядағы жастар саясатын нығайтуға, қоғамдық, мәдени-спорт, тарихи-танымдык шараларды ұйымдастыру мен өткізуге атсалысып жүр. Алдағы уақытта «Жас маман кеңесінің» жұмысын нығайтып, білімді де дарынды мұнайшылардың тұлғалық дамуы мен бәсекеге қабілеттілігін арттыру жолында тың жобаларды жүзеге асыруға ниетті.