ТАЗА ТАБИҒАТ — ОРТАҚ ЖАУАПКЕРШІЛІК!

«Қаражанбасмұнай» АҚ мұнайшылары «Таза Қазақстан» экологиялық акциясы аясында сенбілік ұйымдастырып, қоршаған ортаны жақсартуға бағытталған бастамаға белсенді қатысты.

Сенбілікке технологиялық көлік департаменті, №2 мұнай өндіру, мұнайды дайындау және айдау, ұңғымаларды жерасты күрделі жөндеу, пайдалану жабдықтарын икемдеу-жөндеу цехының қызметкерлері қатысты. Компанияның 100-ден астам жұмысшысы таң атысымен цех маңындағы жалпы ауданы 7м³ жерді күл-қоқыстан тазартты. Сенбілік барысында жиналған қоқыс арнайы полигондарға жеткізілді.

Айта кететін жайт, «Қаражанбасмұнай» АҚ табиғатты аялау мен экологиялық мәдениетті арттыру бағытындағы жұмыстарды алдағы уақытта да жүйелі түрде жалғастыруды жоспарлап отыр.