МЕНЕДЖМЕНТТІҢ ИНТЕГРАЦИЯЛАНҒАН ЖҮЙЕСІ – ТҰРАҚТЫ ДАМУ КЕПІЛІ

«Қаражанбасмұнай» АҚ-да (ҚБМ) басшылық құрамының жоғары және орта буынын менеджменттің интеграцияланған жүйесі (МИЖ) негіздеріне оқыту басталды. Оқуда ISO 9001, 14001, 45001 халықаралық стандарттарының құрылымы мен талаптары түсіндіріліп, қызмет барысында қолдану ережелері талқыланды. 

МИЖ — компания қызметінің нәтижесін жақсартуға және тұрақты даму жолындағы бастамалар үшін берік негіз қамтамасыз етуге бағытталған тиімді стратегиялық шешім. Бағдарлама сапа, еңбекті қорғау, өндірістік қауіпсіздік және қоршаған ортаны қорғау саласындағы стандарттардың негізгі қағидаттары мен талаптарын зерделеуге бағытталған бөлімдерді қамтыды. Мамандардың біліктілігін арттыру тәуекелдерді басқаруға айтарлықтай ықпал етіп, бизнес-процестер мен құжат айналымын, МИЖ ішкі аудитін және т.б. одан әрі жақсартуға мүмкіндік береді.

ҚБМ процестердің нәтижелілігіне және жоғары дәрежелі стандарттау арқылы басқару сапасын жетілдіруге ерекше көңіл бөледі. Оқу барысында басшылар спикермен пікір алмасып, өз тәжірибесіндегі кейстерден мысал келтірді.